JÓNÍNUFELL AÐEINS TIL BRÁÐABIRGÐA

VF hafa borist kvartanir frá Njarðvíkingum sem Keflvíkingum vegna mikillar jarðvegsuppsöfnunar við nýja fjölnotahúsið við Flugvallarveg. Finnst þessum fyrrum andstæðingum, fyrir sameiningu, nú hræðilegt að geta ekki séð nágrannann út um eldhúsgluggann. „Jónínufell“ en þá nafngift hafa pólitískir andstæðingar Jónínu Sanders gefið hólnum á sér ekki langa framtíð. VF hafði samband við Jónínu og skírði henni frá óánægju nábúa hússins. „Það fylgir mikill jarðvegur framkvæmdunum og hefur honum ýmist verið komið fyrir þarna eða fluttur á brott. Jónínufellið á sér því stutta lífdaga þó þarna verði mön að loknum byggingartímanum. Jarðvegurinn verður notaður á svæðið umhverfis húsið.