Jónína leiðir Bæjarlistann í Suðurnesjabæ

Jónína Magnúsdóttir leiðir Bæjarlistann XO í Suðurnesjabæ, nýtt framboð í sveitarfélaginu fyrir sveitarstjórnarkosningarnar í vor. Í 2. sæti er Laufey Erlendsdóttir en þær eru báðar kunnar bæjarmálum í Suðurnesjabæ.

„Bæjarlistinn XO var stofnaður í Suðurnesjabæ fyrir tæpum tveimur vikum. Það hefur gengið mjög vel að koma saman frábærum hóp af fólki sem er til í að vinna af heilindum og krafti fyrir Suðurnesjabæ,“ segir í frétt frá framboðinu. 

„Áherslur framboðsins eru á hagsmuni Suðurnesjabæjar og íbúa þess. Listinn er ekki tengdur ákveðnum stjórnmálaflokkum á landsvísu. 

Stefnumótun listans er í gangi þessa dagana og verður opinn málefnafundur mánudaginn 4. apríl í Vörðunni kl. 20:00. Þangað bjóðum við öllum áhugasömum um stefnumótun framboðsins velkomna.

Mikilvægt er að horfa til framtíðar við mótun bæjarfélagsins og sýna hugrekki í ákvarðanatöku. Við horfum til málefna sem sameina byggðarkjarnana enn frekar og viljum stuðla að aukinni þjónustu,“ segir jafnfram í tilkynningunni. 

Eftirfarandi aðilar skipa framboðslista bæjarlistans til sveitarstjórnarkosninga 14. maí 2022.

1. Jónína Magnúsdóttir, mannauðsstjóri 
2. Laufey Erlendsdóttir, íþrótta- og heilsufræðingur
3. Jón Ragnar Ástþórsson, kennari og knattspyrnuþjálfari
4. Haraldur Helgason, matreiðslumaður
5. Fanný Þórsdóttir, bókavörður
6. Marínó Oddur Bjarnason, stuðningsfulltrúi
7. Heiðrún Tara Poulsen, fótaaðgerðafræðingur
8. Júdit Sophusdóttir, kennari
9. Eysteinn Már Guðvarðsson, vaktstjóri
10. Jóhann Helgi Björnsson, framhaldsskólanemi
11. Jón Gunnar Sæmundsson, verkefnastjóri
12. Bjarnþóra María Pálsdóttir, lögreglukona
13. Kristjana Vilborg Þorvaldsdóttir, skrifstofustjóri
14. Sigrún Harpa Arnrúnardóttir, stuðningsfulltrúi
15. Sindri Lars Ómarsson, kennari
16. Ósk Matthildur Arnarsdóttir, háskólanemi
17. Reynir Ragnarsson, fyrrverandi framkvæmdastjóri
18. Ingimundur Þórmar Guðnason, rafmagnstækifræðingur