Jólaljósameistari við Týsvelli í Keflavík

Þetta er heimili Grétars Ólasonar að Týsvöllum í Keflavík. Hann tók sér frí frá vinnu til að geta skreytt almennilega og í ár tók það fimm daga að koma skrautinu upp. Grétar sagði að nóvembermánuður fari í að hugsa um það hvernig ætti að skreyta, fara í búðir og kaupa skraut og þess háttar. Hann sagðist kaupa mest af skrautinu í Keflavík en Húsasmiðjan hefur verið duglegust að sjá Suðurnesjamönnum fyrir jólaskrauti og ekki furða þar sem Árni Júlíusson Húsasmiðjustjóri í Keflavík er sjálfur mikið jólabarn og þekktur fyrir mestu skreytingarnar á Hraunsveginum í Njarðvík. Grétar vildi ekki gefa upp hver rafmagnsreikningurinn væri eftir jólamánuðinn og til fróðleiks má geta þess að ekki dugar minna en 20 feta geymslugámur undir allt jólaskrautið.
Nánar um Grétar skreytingameistara í Tímariti Víkurfrétta sem kom út á fimmtudaginn sl.