Johan Rönning kaupir Rafbúð RÓ

Nesraf ehf. hefur selt bæði húsnæði og verslunarrekstur fyrirtækisins að Hafnargötu 52 til Johan Rönning hf. Rafbúð RÓ hefur verið starfrækt í tæp 30 ár og verður verslunin lögð niður í núverandi mynd og mun Johan Rönning hf. opna þar nýja og endurbætta verslun.

Rekstur Nesraf verður hins vegar að öllu óbreyttur ef frá er talið að verslunarreksturinn verður lagður niður. Almenn rafverktaka, bílaþjónusta, umboð fyrir Öryggismiðstöðina ásamt annarri verktakastarfsemi mun enn sem áður verða til boða í nýju húsnæði í Grófinni 18 A í Keflavík. Á þessum tímamótum vilja eigendur Rafbúð RÓ þakka viðskiptavinum sínum fyrir gott samstarf undanfarin ár og óska um leik Johan Rönning hf. velfarnaðar í framtíðinni.