Jarðskjálftar hrista orkuverið í Svartsengi
— Engar breytingar á holutoppsþrýstingi vinnsluholnanna
Jarðskjálftahrinan undanfarna tvo sólarhringa hefur ekki haft áhrif á borholur HS Orku í Svartsengi og á Reykjanesi. Skjálftarnir hafa skekið til byggingar í Svartsengi og starfsmenn HS Orku í Svartsengi hafa fundið vel fyrir skjálftunum.
Þegar þetta er skrifað hafa orðið næstum 600 skjálftar í hrinunni og á annan tug þeirra hafa verið yfir 3 á Richter.
„Engar sýnilegar skemmdir hafa orðið á húsum og vélbúnaði og hafa skjálftarnir ekki haft nein áhrif á starfsemi og framleiðslu orkuversins. Ekki hefur orðið vart við neinar breytingar á holutoppsþrýstingi vinnsluholnanna,“ segir Albert Albertsson hjá HS Orku í Svartsengi.
