Íslensk stjórnvöld niðurlægð
Ingibjörg Sólrún Gísladóttir, varaþingmaður Samfylkingar, segir íslensk stjórnvöld hafa verið niðurlægð í samskiptum við Bandaríkjastjórn. Hún segir leyndina sem yfir varnarviðræðunum ríkir ekki mega vera til þess að fyrra ríkisstjórnina pólitískum vandræðum.Stjórnarandstaðan virðist vera orðin þreytt á pukri ríkisstjórnarinnar og leyndinni fyrir varnarviðræðunum við Bandaríkjamenn. Ingibjörg Sólrún Gísladóttir segir nauðsynlegt að fá málið upp á borðið og ræða það.
,,Menn eiga að geta rætt þessi mál, allaveganna sæmilega opinskátt. Svona mál eiga ekki að vera til þess að fyrra ríkisstjórnina bara einhverjum pólitískum vandræðum. Þögnin á ekki vera til þess, heldur vegna þeirra hagsmuna sem í húfi eru. Það sem auðvitað slær mann líka í þessu máli, og er auðvitað vont, og það er það að manni virðist, séð svona utan frá, að íslensk stjórnvöld hafi verið niðurlægð í þessu máli. Þau gengu býsna langt í að styðja ríkisstjórn Bush, meðal annars í Íraksmálinu, og hafa líklega að þau myndu uppskera eins og til var sáð en raunin virðist vera önnur," Segir Ingibjörg Sólrún.
Þingmenn stjórnarandstöðunnar hafa talað um trúnaðarbrest og lögbrot, þar sem utanríkismálanefnd hafi ekki verið upplýst um gang mála. Sólveig Pétursdóttir, formaður utanríkismálanefndar Alþingis, vísar fullyrðingum um lögbrot á bug.
Aðspurð að því hvor ekki hefði verið eðlilegt að láta utanríkismálanefnd og/eða Alþingi vita af þeim upplýsingum, sem fram hefur komið i fréttum að ríkisstjórnin fékk fyrir kosningar, að Bandaríkjamenn hefðu ákveðið að flytja flugher sinn á brott segir Sólveig að um óstaðfestar fregnir að ræða. Hún segir þessar fréttir ,,hafðar eftir ónafngreindum heimildarmönnum og þær hafi ekki verið staðfestar af stjórnvöldum.
,,Ég bendi aftur á að það var haft eðlilegt samráð við utanríkismálanefnd um leið og þetta mál var komið í þann farveg að menn gátu unnið með það. Ég verð að segja það að mér finnst það mjög sérstakt að menn séu að reyna að búa sér til einhverjar pólitíska sérstöðu í þessu máli. Þetta mál er alvarlegt og það er á viðkvæmu stigi og ég held að það þjóni ekki neinum tilgangi fyrir hagsmuni okkar Íslendinga að vera með það í opinberri umræðu á þessu stigi málsins," segir Sólveig.
En þó að leynd ríki áfram yfir smáatriðum viðræðnanna hlýtur Samfylkingin að hafa mótað sér stefnu. Hver er hún?
,,Samfylkingin hefur lýst því yfir að það sé mikilvægt að skilgreina okkar öryggishagsmuni. Hverjir eru þeir? Hvaðan kemur ógnin sem að okkur steðjar? Hvar er hún? Hvað þarf til að verjast henni? Það er það fyrsta að menn hafi skýr samningsmarkmið, og þá er hægt að fara síðan í það að semja hver viðbúnaðurinn eigi að vera hér á landi. Þessi ógn hefur ekki verið skilgreind og það er auðvitað fyrsta vers," segir Ingibjörg Sólrún.
Stöð 2 greindi frá í kvöld.
,,Menn eiga að geta rætt þessi mál, allaveganna sæmilega opinskátt. Svona mál eiga ekki að vera til þess að fyrra ríkisstjórnina bara einhverjum pólitískum vandræðum. Þögnin á ekki vera til þess, heldur vegna þeirra hagsmuna sem í húfi eru. Það sem auðvitað slær mann líka í þessu máli, og er auðvitað vont, og það er það að manni virðist, séð svona utan frá, að íslensk stjórnvöld hafi verið niðurlægð í þessu máli. Þau gengu býsna langt í að styðja ríkisstjórn Bush, meðal annars í Íraksmálinu, og hafa líklega að þau myndu uppskera eins og til var sáð en raunin virðist vera önnur," Segir Ingibjörg Sólrún.
Þingmenn stjórnarandstöðunnar hafa talað um trúnaðarbrest og lögbrot, þar sem utanríkismálanefnd hafi ekki verið upplýst um gang mála. Sólveig Pétursdóttir, formaður utanríkismálanefndar Alþingis, vísar fullyrðingum um lögbrot á bug.
Aðspurð að því hvor ekki hefði verið eðlilegt að láta utanríkismálanefnd og/eða Alþingi vita af þeim upplýsingum, sem fram hefur komið i fréttum að ríkisstjórnin fékk fyrir kosningar, að Bandaríkjamenn hefðu ákveðið að flytja flugher sinn á brott segir Sólveig að um óstaðfestar fregnir að ræða. Hún segir þessar fréttir ,,hafðar eftir ónafngreindum heimildarmönnum og þær hafi ekki verið staðfestar af stjórnvöldum.
,,Ég bendi aftur á að það var haft eðlilegt samráð við utanríkismálanefnd um leið og þetta mál var komið í þann farveg að menn gátu unnið með það. Ég verð að segja það að mér finnst það mjög sérstakt að menn séu að reyna að búa sér til einhverjar pólitíska sérstöðu í þessu máli. Þetta mál er alvarlegt og það er á viðkvæmu stigi og ég held að það þjóni ekki neinum tilgangi fyrir hagsmuni okkar Íslendinga að vera með það í opinberri umræðu á þessu stigi málsins," segir Sólveig.
En þó að leynd ríki áfram yfir smáatriðum viðræðnanna hlýtur Samfylkingin að hafa mótað sér stefnu. Hver er hún?
,,Samfylkingin hefur lýst því yfir að það sé mikilvægt að skilgreina okkar öryggishagsmuni. Hverjir eru þeir? Hvaðan kemur ógnin sem að okkur steðjar? Hvar er hún? Hvað þarf til að verjast henni? Það er það fyrsta að menn hafi skýr samningsmarkmið, og þá er hægt að fara síðan í það að semja hver viðbúnaðurinn eigi að vera hér á landi. Þessi ógn hefur ekki verið skilgreind og það er auðvitað fyrsta vers," segir Ingibjörg Sólrún.
Stöð 2 greindi frá í kvöld.
