Íslandsolía í Helguvík

Atvinnu- og hafnaráð Reykjanesbæjar hefur samþykkt að úthluta Íslandsolíu ehf. lóð nr. 14 við Hólmsbergsbraut í Helguvík fyrir 2. og 3ja áfanga eldsneytisbirgðastöðvar.
Íslandsolía fékk úthlutað lóð nr. 16 í Helguvík fyrir eldsneytisbirgðastöð þann 11. janúar 2002 og var ákveðið að framlengja þá úthlutun með þeim fyrirvara að framkvæmdir yrðu hafnar innan 3ja mánaða.
Samþykkt var að úthluta lóð nr. 14 fyrir 2. og 3ja áfanga ef framkvæmdum á lóð nr. 16 yrði lokið fyrir 1. júní 2004.
Reykjaneshöfn mun afturkalla lóðarúthlutunina ef tímamörk eru ekki virt og ekki endurgreiða kostnað sem hlýst af framkvæmdum á vegum Íslandsolíu ehf.