Innbrotsþjófurinn tilkynntur til barnaverndar
- brotist inn í fyrirtæki í Sandgerði
Lögreglunni á Suðurnesjum barst í gærdag tilkynning um innbrot í Vélsmiðju Sandgerðis. Hinn óboðni gestur hafði komist inn með því að brjóta rúðu í húsnæðinu. Fjármunir höfðu verið teknir úr fyrirtækinu en ekki var vitað með vissu um hve háa fjárhæð var að ræða.
Lögreglan hafði upp á geranda sem reyndist vera ungur að árum og var forráðamönnum hans svo og barnaverndarnefnd gert viðvart, auk þess sem lögregla ræddi við hann.
