Innbrotsþjófar með fíkniefnasprautu handteknir
- Grunur leikur á að um handrukkun hafi verið að ræða.
Lögreglunni á Suðurnesjum barst nýverið tilkynning þess efnis að þrír menn væru að reyna að brjótast inn í íbúðarhúsnæði. Tveir þeirra voru handteknir en sá þriðji komst undan á hlaupum. Annar hinna handteknu hélt á sprautu með meintum fíkniefnum í þegar hann var handtekinn. Sá var einnig með fiðrildahníf í vasanum. Hinn var með barefli falið innan klæða. Grunur leikur á að mennirnir hafi verið að undirbúa handrukkun, því fram kom að þeir teldu íbúa húsnæðisins, sem þeir hugðust komast inn í, skulda sér peninga.
