Innbrotsþjófar: flúðu þegar þeir urðu húsráðanda varir

Húsráðandi í Keflavík kom að tveimur ungum piltum þar sem þeir voru að brjótast inn í íbúð hans á föstudagskvöld. Piltarnir höfðu komist inn um svalahurð en er þeir urðu húsráðanda varir hlupu þeir út úr íbúðinni og í burtu frá húsinu ásamt þremur öðrum piltum. Talið er að piltarnir séu á aldrinum 14 til 15 ára og fór lögreglan í Keflavík á vettvang til að svipast um eftir innbrotsþjófunum en án árangurs.