Innbrot og skemmdarverk

Um fjögurleytið í gær var tilkynnt um innbrot í íbúðarhúsnæði við Hafnargötu í Keflavík.  Rúða hafði verið brotin í millihurð og þannig hafði verið komist inn í húsið.  Innanstokksmunir voru skemmdir.  Ekki er vitað hver var að verki. 

Rétt fyrir 23:00 í gærkveldi var lögreglan svo kölluð í Sandgerði vegna skemmdarverks sem hafði verið unnið á Suzuki Swift bifreið, rauð að lit, utan við kjúklingabúið Reykjahlíð á Sjávarbraut.  Búið var að brjóta afturrúðuna í bifreiðinni.  Rúðan hafði verið brotin með rörtöng sem hafði verið í bifreiðinni.  Ekki er vitað hver var að verki. 

Þeir sem geta gefið upplýsingar um málin vinsamlegast hafið samband við lögregluna í Keflavík.

Vf-mynd/Bjarni; Hafnargatan - Myndin tengist málinu ekki á neinn hátt