Innbrot í sumarhús á Stafnesi

Í gær var tilkynnt um innbrot í sumarbústað í landi Bala á Stafnesi. Hafði þar verið stolið tveimur olíuofnum, einum gaslampa og 9 kg. gaskút. Mun það hafa skeð eftir 12. maí s.l.
Einn ökumaður var kærður fyrir of hraðan akstur á Reykjanesbraut. Mældist hraði hans 122 km. þar sem leyfður hámarkshraði er 90 km. Einn ökumaður var kærður fyrir að nota ekki öryggisbelti og einn var kærður fyrir að vera með barn í bílastól sem ekki var festur. Einn var kærður fyrir að tala í síma án handfrjáls búnaðar. Skráningarnúmer voru tekin af einni bifreið þar sem hún var ótryggð.