iExplore.com: Bláa lónið á topp 10

Að mati netferðaskrifstofunnar iExplore er bað í heitum laugum á Íslandi ein af 10 óvenjulegustu ferðum sem fyrirspurnir bárust um á síðasta ári. Kampavínsflug til norðurpólsins er hins vegar óvenjulegasta ferðin að mati forsvarsmanna ferðaskrifstofunnar. iExplore hefur einkum sérhæft sig í sérsniðnum ævintýraferðum.

Listinn yfir þessar óvenjulegu ferðahugmyndir er eftirfarandi:

Kampavínsflug á norðurpólinn.
Ferð til Timbuktu og til baka.
Róa á kajak gegnum Panamaskurðinn.
Dveljast hjá Mongólafjölskyldu á Gobi-eyðimörkinni.
Fara á kameldýrum yfir Saharaeyðimörkina.
Gönguferð til grunnbúðanna á Everestfjalli.
Baða sig í heitum laugum á Íslandi.
Loftbelgsflug yfir Serengeti í Tansaníu.
Ganga um regnskógana á Amazonsvæðinu.

George Deeb, stofnandi iExplore, segir í tilkynningu sem birt er á netsíðu Morgunblaðsins, að kynslóðin, sem nú sé að nálgast miðjan aldur og undirbúi að setjast í helgan stein snemma, hafi ekki áhuga á að safna eignum heldur upplifa eitthvað merkilegt. Umræddur listi sýni, hvað neytendur séu reiðubúnir að ganga langt til að upplifa eitthvað einstakt, og geri þeim kleift að monta sig af það sem eftir er ævinnar.

www.iExplore.com