Icelandic kaupir Ný-Fisk í Sandgerði
Icelandic Group hefur undirritað viljayfirlýsingu við eigendur fiskvinnslufyrirtækisins Ný-Fisks í Sandgerði um kaup á fyrirtækinu. Fiskifréttir greina frá þessu.
Stefnt er að því að kaupsamningur milli aðila verði undirritaður fyrir áramót að lokinni áreiðanleikakönnun.
Í umfjöllun Fiskifrétta um Ný-Fisk fyrr í sumar kemur fram að Ný-Fiskur veltir hátt á fjórða milljarð króna og fyrirtækið vinnur úr um 7 þúsund tonnum af hráefni. Þar starfa um hundrað manns.
