Iceland Express stofnar flugafgreiðslufyrirtæki á Keflavíkurflugvelli
Iceland Express ætlar að sjá um flugafgreiðslu eigin flugflota og eru að stofna félagið Iceland Express Handling til að sjá um þann rekstur. Þetta staðfesti Kristín Þorsteinsdóttir upplýsingafulltrúi Iceland Express í samtali við Víkurfréttir.
Eins og fram kom fyrr í dag hefur Airport Associates á Keflavíkurflugvelli sagt upp þjónustusamningi sínum við Iceland Express um flugafgreiðslu á Keflavíkurflugvelli.
Upplýsingafulltrúi Iceland Express sagði að það hafi lengi verið áhugi félagsins að sjá um þjónustu við eigin vélar og nú verði látið verða að því. Á næstu vikum verði auglýst eftir starfsfólki til flugþjónustustarfa hjá Iceland Express Handling.
