Íbúaþing í Grindavík

Laugardaginn 4. mars n.k. mun Grindavíkurbær boða til íbúaþings í Grunnskóla Grindavíkur þar sem bæjarbúum gefst kostur á að kynna sér málefni bæjarfélagsins og taka þátt í mótun þess og framtíðarskipulagi.

Íbúaþingið mun hefjast kl. 11 að morgni og byrjar á framsögu um málaflokka bæjarfélagsins, fjármál og rekstur, skólamál, skipulag- og byggingamál, íþrótta- og æskulýðsmál, öldrunarmál o.fl. Eftir framsögu gefst íbúum tækifæri á að kynna sér einstaka málaflokka og taka þátt í umræðum um þá, þar sem tillögur og hugmyndir verða ræddar.

Að mörgu er að hyggja þegar verið er að móta framtíð heils bæjarfélags og nauðsynlegt að fá hugmyndir frá þeim aðilum sem lifa í samfélaginu á hverjum tíma. Grindavík er að byggjast mjög hratt upp og fólksfjölgun hefur verið mikil undanfarinn ár, því er mikilvægt að íbúar taki virkan þátt í mótun samfélagsins.

Íbúar eru hvattir til að mæta og kynna sér hugmyndir bæjarins og hafa áhrif á framtíðar skipulagningu bæjarins.

Fundurinn mun standa frá 11 til 14.

Af vef Grindavíkurbæjar