Íbúafundur í kvöld með bæjarstjóra Reykjanesbæjar

Árni Sigfússon, bæjarstjóri Reykjanesbæjar, boðar til fundar með íbúum Reykjanesbæjar í kvöld, til að skýra frá stöðu mála í ljósi efnahagskreppunnar, kynna mikilvæg verkefni framundan og gefa íbúum kost á að koma að spurningum, hugmyndum og ábendingum. Fundurinn verður haldinn í sal Fjölbrautaskóla Suðurnesja og hefst kl. 18:00.

Fjallað verður um álver í Helguvík, gagnaver, kísilver, auðlindagarð, ferðasegla, frumkvöðlasetur og nýsköpun, hver staða þessara verkefna verður á nýju ári og hvað þýða þau í nýjum störfum.

Eftirtalin erindi verð flutt á fundinum:

Atvinnuleysið – greining, staða og horfur
Guðbrandur Einarsson formaður Verslunarmannafélags Suðurnesja

Virkjun – sameinuð miðstöð í almennri ráðgjöf við einstaklinga og þróun nýrra atvinnutækifæra.
Hjördís Árnadóttir framkvæmdastjóri Fjölskyldu- og félagssviðs Reykjanesbæjar

Byggingamarkaður – staða og lausnir
Halldór Ragnarsson, framkvæmdastjóri.

Viðskipti og verkframkvæmdir í bænum
Guðlaugur Sigurjónsson, framkvæmdastjóri Umhverfis- og skipulagssviðs Reykjanesbæjar

Kísilver
Magnús Garðarsson, framkvæmdastjóri

Auðlindagarður
Albert Albertsson, aðstoðarforstjóri Hitaveitu Suðurnesja.

Gagnaver
Þorvaldur Sigurðsson, framkvæmdastjóri

Flugþjónusta – staða og horfur
Elín Árnadóttir, forstjóri FLE ohf.

Ferðaseglar
Einar Bárðarson, verkefnastjóri

Álver
Ágúst Hafberg, framkvæmdastjóri

Frumkvöðlasetur, nýsköpun og ný menntatækifæri
Runólfur Ágústsson framkvæmdastjóri Keilis, miðstöðvar vísinda- og fræða.

Pallborð - setið fyrir svörum

Fundarstjóri er Árni Sigfússon bæjarstjóri