Íbúafundur í Garði á fimmtudag

Íbúafundur um framtíðarsýn Sveitarfélagsins Garðs fyrir árin 2007 – 2010 verður haldinn fimmtudaginn 22. febrúar kl. 20:00 á veitingahúsinu Flösinni á Garðskaga. 

Fjallað verður um eftirfarandi:
· Skólastarf
· Æskulýðsstarf og íþróttir
· Félagsþjónustu Sandgerðis, Garðs og Voga
· Forvarnir í fjölskyldumálum
· Samfélagsþjónustu við eldri borgara
· Umhverfismál
· Samgöngur
· Ferða- og menningarmál
· Fjölmenningu
· Stjórnsýslu
· Uppbyggingu og skipulag
· Atvinnumál

Boðið verður upp á fyrirspurnir eftir kynningu á hverjum málaflokki og almennar umræður í lokin.

Á heimasíðu bæjarins eru Garðbúar hvattir til að mæta á fundinn og kynna sér framtíðarsýn fyrir Garðinn, ásamt því að setja fram ábendingar um breytingar eða viðbætur ef þeim sýnist svo.