Íbúafundir um sameiningu í Garði og Sandgerði

Stýrihópur sem vinnur að úttekt á kostum og göllum sameiningar sveitarfélaganna Garðs og Sandgerðisbæjar hefur boðað til íbúafunda í báðum sveitarfélögunum í þessari viku. Fundað verður í Garði á miðvikudag og Sandgerði á fimmtudag.

 

Í Garði verður fundurinn haldinn  miðvikudaginn 22. febrúar í Miðgarði, sal Gerðaskóla frá  kl. 19:30 – 21.30.

 

Í Sandgerði verður fundurinn haldinn fimmtudaginn 23. febrúar í Vörðunni frá kl. 17 – 19.

 

Dagskrá:

1.    Hvers vegna skyldu kostir og gallar við sameiningu bæjarfélaganna Garðs og Sandgerðis kannaðir?

2.    Framtíðin – mögulegar sviðsmyndir kynntar.

3.    Framtíðaráherslur – hver er sýn íbúa?

 

Fundirnir eru að sjálfsögðu öllum opnir og vonandi sjá sem flestir sér fært að mæta.  Íbúar sveitarfélaganna eru velkomnir á hvorn fundinn sem er, segir í tilkynningu.