Í nógu að snúast hjá flugeldasölum í Grindavík

Það var í nógu að snúast hjá björgunarsveitarmönnum í Þorbirni í gær þegar flugeldasalan hófst í Grindavík. Opið verður hjá þeim í slysavarnarhúsinu frá kl. 14 – 22 og 10 – 16 á gamlársdag. Einnig verður opið á þrettándanum 6. jan.

Flugeldasalan er mesta fjáröflunin hjá Björgunarsveitinni en jafnframt fer í hönd hættulegasti tíminn þegar mest er um bruna og augnskaða hjá fólki.

Björgunarsveitarmenn vildu hvetja Grindvíkinga til að styðja við bakið á sveitinni og versla flugelda. Einnig vildu þeir brýna fyrir fólki að fara varlega við meðferð flugelda og vildu beina orðum sínum sérstaklega til foreldra að fylgjast vel með.