Í nógu að snúast hjá björgunarsveitarfólki

Björgunarsveitarmenn í Grindavík hafa haft í nógu að snúast frá því snemma í morgun og eru enn að sinna útköllum vegna ófærðar og fastra bíla.

Grindvíkingar fengu aðstoð frá félögum sínum í Björgunarsveitinni Suðurnes í dag og slóst myndatökumaður VF í för með þeim til Grindavíkur, enda meira og minna allt ófært innanbæjar í Grindavík og til lítils að fara þangað nema á mjög vel búnum bíl.

Myndatökumenn Víkurfrétta voru á ferðinni í dag og tóku þá bæði ljósmyndir og video í ófærðinni og óveðrinu. Myndbandið er í vefsjónvarpi VF en myndirnar í ljósmyndasafni VF.