Hvött til að sækja um í Erasmus+ ungmennaskiptaverkefni

Ungmennaráð Grindavíkur hefur áhuga á að taka þátt í ungmennaskiptaverkefnum með öðrum ungmennaráðum í Evrópu. Erindi þess efnis var tekið fyrir á síðasta fundi frístunda- og menningarnefndar Grindavíkur í síðustu viku en Elínborg Ingvarsdóttir, forstöðumaður Þrumunnar, og Melkorka Ýr Magnúsdóttir, starfsmaður Þrumunnar, sátu fundinn undir þessum lið og gerðu grein fyrir erindinu.

Frístunda- og menningarnefndin lýsir yfir ánægju með frumkvæði ungmennaráðs og hvetur ráðið til að sækja um Erasmus aðild.