Hvít jörð á Suðurnesjum í hálfan sólarhring

Fólki brá heldur í brún í gærkvöldi þegar skyndilega fór að snjóa.Fyrstu snjókornin féllu um kl. 19 í gærkvöldi og tveimur tímum síðar var orðin alhvít jörð.
Golfmóti á golfvellinum í Leiru var frestað þar sem menn hættu að sjá golfboltana í mjöllinni. Menn tóku snjókomunni þó létt en muna ekki eftir hvítri jörð í Leiru í rúmlega þriggja áratuga sögu golfvallarins.

Meðfylgjandi mynd tók Páll Ketilsson þegar golfarar streymdu í hús í snjóhríðinni í gærkvöldi.