Hviður í Grindavík 33 m/s

Veður á Suðurnesjum hefur farið hratt versnandi með morgninum. Klukkan 7 í morgun voru 22 m/s í Grindavík og fóru hviður í 33 m/s. Þar eru járnplötur farnar að losna og fiskikör hafa fokið á hafnarsvæðinu.
20 m/s hafa mælst á Garðskagavita og Reykjanesbraut núna kl. 07 og hviður á brautinni farið í 32 m/s, sem gerir akstur mjög varasaman. Þá mældist meðalvindur á Keflavíkurflugvelli 19 m/s núna kl. 07 og hviður þar höfðu farið í 27 m/s.