Hvessir í nótt - hlýnandi veður

Í morgun kl. 06 voru norðaustan 8-13 m/s og rigning eða snjókoma norðvestantil á landinu. Annars staðar var hægari breytileg átt og úrkomulítið. Hiti var frá 8 stigum niður í 1 stigs frost, kaldast á Möðrudal, Gjögri og í Súðavík.

Yfirlit:
Skammt NA af landinu er 987 mb lægð sem fer NNA og grynnist. Um 900 km SSV af Reykjanesi er heldur vaxandi 985 mb lægð sem þokast N.

Veðurhorfur á landinu:
Veðurhorfur til kl. 18 á morgun: Snýst í austlæga átt, 5-10 m/s. Rigning suðaustantil og dálítil slydda NV-lands fram eftir morgni. Bætir heldur í vind síðdegis og í kvöld. Víða rigning og 5 til 10 stiga hiti, en slydda fyrir norðan og hiti nálægt frostmarki. Hvöss austanátt á morgun og má búast við stormi SA-lands. Rigning, einkum suðaustantil og 5 til 12 stiga hiti.

Veðurhorfur við Faxaflóa næsta sólarhringinn:
Austlæg átt, 5-10 m/s og fer að rigna síðdegis. Hvessir í nótt, austan 13-18 á morgun. Hlýnandi veður, hiti 8 til 12 stig á morgun.