Hvessir í kvöld með rigningu

Spáð er hægri suðlægri átt við Faxaflóasvæðið í dag, en vex í suðaustan 8-13 m/s síðdegis. Allt að 18 m/s um tíma seint í kvöld og fram á nótt. Rigning eða súld með köflum en bætir í úrkomu í kvöld og nótt. Suðvestan 5-10 og skúrir á morgun. Hiti 7 til 11 stig.

Veðurhorfur á landinu næstu daga:

Á fimmtudag:

Suðvestan 5-10 m/s. Víða léttskýjað á austanverðu landinu, en skúrir eða slydduél vestantil. Hiti 4 til 12 stig, hlýjast A-lands.

Á föstudag:

Suðlæg átt og rigning, einkum S- og V-lands. Snýst í norðvestanátt um kvöldið. Hiti 7 til 13 stig.

Á laugardag:

Vestlæg átt og léttir til, en skúrir eða slydduél í fyrstu NA-lands. Kólnandi veður í bili.

Á sunnudag:

Hæglætisveður, yfirleitt þurrt og bjart. Hiti 5 til 10 stig, en víða næturfrost í innsveitum.

Á mánudag:

Suðlæg átt með vætu, en þurrt að mestu norðaustantil á landinu. Milt veður.