Hvessir í kvöld

Í morgun kl. 09 var suðlæg átt, 5-10 m/s. Skýjað en þurrt á Norðurlandi, en annars víða súld eða þokuloft. Hiti var 5 til 13 stig, hlýjast norðaustanlands. Veðurhorfur á landinu til kl.18 á morgun:

Suðlæg átt, víða 5-10 m/s. Hvessir í kvöld, suðaustan 13-20 vestanlands nálægt miðnætti, en annars talsvert hægari vindur. Sunnan 10-15 vestantil á morgun, en yfirleitt 5-10 annars staðar. Skýjað og þokusúld eða rigning með köflum, en þurrt norðanlands. Léttir til norðaustan- og austanlands í kvöld. Hiti 6 til 15 stig í dag, en 9 til 18 stig á morgun, hlýjast norðaustantil að deginum.

Veðurhorfur við Faxaflóa til kl. 18 á morgun: Sunnan og suðaustan 5-10 m/s, skýjað með köflum og dálítil súld eða rigning öðru hverju. Hvessir með kvöldinu, 13-18 nálægt miðnætti, en 15-20 á stöku stað. Sunnan 10-15 á morgun. Hiti 7 til 13 stig.