Hver vill taka að sér Sandgerðisdaga?

Bæjarráð Sandgerðis hefur falið fræðslu- og menningarfulltrúa að rita formönnum Knattspyrnufélagsins Reynis, Kvenfélagsins Hvatar, Björgunarsveitarinnar Sigurvonar, Golfklúbbs Sandgerðis, Lionsklúbbs Sandgerðis og Listatorgs bréf þar sem kannað verði hvort félögin séu tilbúin til að taka að sér undirbúning og framkvæmd Sandgerðisdaga 2015, annað hvort ein sér eða í samvinnu við önnur félög í bænum.

Í minnisblaði ferða- og menningarfulltrúa um undirbúning og framkvæmd Sandgerðisdaga 2015 kom fram að Kvennakór Suðurnesja sjái sér ekki fært að taka að sér undirbúning hátíðarinnar í ár.

Atvinnu-, ferða- og menningarráði Sandgerðis er falið að vinna úr svörum formanna félaganna þegar þau berast og leggja tillögur fyrir bæjarráð.