Hvassviðri og úrkoma fram á kvöld

Klukkan 6 var suðlæg eða breytileg átt, yfirleitt 5 til 12 m/s, en 22 m/s í Grundarfirði. Léttskýjað norðan- og austantil, en annars skýjað með köflum og í Bolungarvík var skúr. Hiti var 0 til 5 stig við norðvestur- og vesturstöndina, en annars 1 til 5 stiga frost.

Veðurhorfur við Faxaflóa næsta sólarhringinn:
Vaxandi suðaustanátt, 10-18 m/s og slydda eða rigning með morgninum, en suðvestlægari og skúrir síðdegis. Hægari vindur í kvöld og nótt, en suðvestan 8-15 á morgun. Hlýnandi og hiti 2 til 8 stig síðdegis og á morgun.

Yfirlit
Við Lófóten er víðáttumikil 975 mb lægð, sem hreyfist A. Við Hvarf er 982 mb lægð, sem þokast NA.

Veðurhorfur á landinu
Veðurhorfur til kl. 18 á morgun: Vaxandi suðaustanátt og þykknar upp, 10-18 og slydda eða rigning með morgninum, en þurrt norðaustantil fram yfir hádegi. Suðvestlægari og skúrir síðdegis og á morgun, en léttir til norðan- og austanlands í kvöld og hægari vindur um tíma í nótt. Hlýnandi og hiti víða 4 til 8 stig síðdegis í dag og allt að 12 stiga hiti á Norðausturlandi á morgun.
 
VF-mynd/elg