Hvassviðri og snjókoma í kortunum

Klukkan 6 var norðaustan átt, yfirleitt 8-15, en hvassast var við Lómagnúp, 25 m/s. Él norðan- og austantil en bjartiviðri suðvestantil. Hiti frá 2 stigum á Ingólfshöfða niður í 8 stiga frost allvíða.

Yfirlit
Um 250 km SV af Vestmannaeyjum er 950 mb lægð sem hreyfist ANA. Kröpp lægð er að myndast V af landinu og fer síðan í A. Yfirlit gert 11.01.2007 kl. 05:42

Veðurhorfur á landinu
Veðurhorfur til kl. 18 á morgun: Norðan og norðaustan 10-20 m/s í fyrstu en lægir síðan. Minnkandi él austanlands en annars úrkomulítið. Ört vaxandi vindur um landið vestanvert síðdegis með éljagangi eða snjókomu, 13-20 í kvöld af suðvestri suðvestantil en norðaustri á Vestfjörðum. Norðan 8-15 og él vestantil í fyrramálið en annars sunnan 5-10 og úrkomulítið. Norðan 15-20 við Húnaflóa eftir hádegi á morgun. Frost 0 til 10 stig.

Veðurhorfur við Faxaflóa næsta sólarhringinn:
Norðaustan 3-8 og bjartviðri. Suðvestan 13-20 og snjókoma seint í dag en vestlægari og él í nótt. Norðvestan 10-13 í fyrramálið en norðaustan 5-10 síðdegis á morgun. Frost 0 til 6 stig.