Hvað verður um hvalinn?

Hval hefur rekið á fjörur Garðmanna. Hrefnutarfur fannst þar sem hann var sjórekinn í grýttri fjöru rétt innan við Réttarholt í Garði í síðustu viku.
 

Starfsmaður Hafrannsóknarstofnunar skoðaði hræið og tók úr því sýni. Hrefnutarfurinn reyndist 7,7 metra langur og sporðurinn var 1,9 metrar í þvermál.
 

Nú er hins vegar spurning hvað verður um hræið. Staðurinn þar sem dýrið liggur á er við vinsæla gönguleið um Leiruna og því lítill áhugi á að fá grút af dýrinu yfir svæðið. Íbúi í nágrenni við staðinn vill að dýrið verði dregið í land við höfnina í Garði, þar sem það verði hlutað niður og urðað.
 

Meðfylgjandi myndir voru teknar yfir staðinn þar sem dýrið liggur dautt í grýttri fjörunni.