Húsnúmer ekki nógu sjáanleg við Hafnargötu

Skapar vandræði í árgangagöngu Ljósanætur.

Kvartanir hafa verið að berast inn á borð til Reykjanesbæja þess efnis að oft séu hús við Hafnargötuna ekki nógu vel merkt. Það gerir bæði íbúum bæjarins og utanbæjarmönnum erfitt fyrir þegar finna þarf „sitt“ hús í árgangagöngu Ljósanætur sem fram fer á laugardag. Hver árgangur hefur gönguna við hús sem ber sama númer og árið sem árgangurinn fæddist.

Vill Reykjanesbær því hvetja eigendur húsa við Hafnargötuna að merkja húsin betur, t.d. með því að setja númer húsa í gluggana.