Húsarústir í Flekkuvík 2 verða rifnar

Skipulagsnefnd Sveitarfélagsins Voga hefur samþykkt að gera ekki athugasemdir við niðurrif brunarústa íbúðarhússins að Flekkuvík 2. Jafnframt var samþykkt að ekki verði reist nýtt íbúðarhús á lóðinni í stað þess sem brann.

Samkvæmt gildandi aðalskipulagi og endurskoðaðri útgáfu þess er gert ráð fyrir að lóðin og nærliggjandi svæði verði nýtt undir iðnaðar- og hafnarstarfsemi. Því fellur niður krafa um að byggja íbúðarhús á lóðinni.