Hús flutt sjóleiðis

Varðskipið Týr flutti í dag hús, sem vélsmiðjan Eldafl byggði fyrir Landhelgisgæsluna, frá Keflavíkurhöfn að Faxakambi í Reykjavík.

Húsið var híft um borð um tíuleytið í morgun með stóreflis krana og gekk allt að óskum þrátt fyrir leiðinda slagviðrisrigningu.

Ferðin gekk ljómandi vel fyrir sig og var húsinu slakað niður á Faxakamb um hálf þrjú leytið í dag, en þar mun húsið standa framvegis.

Húsið er einingahús af svipaðri gerð og Eldafl hefur gert fyrir Orkuveituna og Víkurfréttir fjölluðu um ekki alls fyrir löngu.