Hundur beit og glefsaði

Tilkynning barst til lögreglunnar á Suðurnesjum um hund sem hafði verið að sniglast laus í kringum tiltekið hús í Reykjanesbæ í vikunni og bitið barn. Áður hefði hann glefsað í konu. Líklegast var talið að um flækingshund væri að ræða og var hann sagður ógnandi. Tilkynnandi sagði að hann liti út eins og „stór rotta“ og væri grimmur. Lögreglan kom á vettvang og svipaðist um eftir hundinum en hann var þá horfinn.