Hundraðasti fundur Atvinnu- og hafnaráðs

Atvinnu- og hafnaráð Reykjanesbæjar hélt sinn hundraðasta fund síðastliðinn miðvikudag en fyrsti fundur ráðsins var haldinn þann 5. desember 2002.

Þorsteinn Erlingsson, formaður atvinnu- og hafnaráðs, sagði að á þessum tíma hafi verið tekið á móti nokkur hundruðum fyrirspurna og verkefnum um atvinnumál. Lóðaúthlutanir og lóðasköpun í Helguvík ásamt atvinnuþróunarverkefnum, þar með talin vinna vegna álvers Norðuráls og kísilvers, hefur verið stór hluti starfsemi Atvinnu- og hafnasviðs auk reksturs Reykjaneshafnar.

Á þessum hundraðsta fundi nefndarinnar var skýrt frá stöðu framkvæmda Norðuráls  vegna álvers í Helguvík. Farið var fyrir stöðuna í atvinnumálum í Reykjanesbæ, fjallað um nýsköpunarþing í Reykjanesbæ og málefni Reykjaneshafnar, svo nokkuð sé nefnt.

Sjá nánar fundargerð hér.