Hugmyndasmiðja um hafnarsvæðið og miðbæinn
- í Kvikunni í Grindavík.
Opin hugmyndasmiðja var haldin var í Kvikunni í Grindavík um helgina þar sem hátt í 30 manns mættu til að móta hugmyndir fyrir skipulagsvinnu Bæjarstjórnar Grindavíkur fyrir miðbæ og hafnarsvæði í Grindavík.
Fundurinn tókst að sögn þátttakenda virkilega vel en umsjón hans var í höndum EFLU verkfræðistofu og Ármanns Halldórssonar sviðsstjóra skipulags-og umhverfissviðs. Margar góðar hugmyndir litu dagsins ljós og verða þær nýttar í þá skipulagsvinnu sem framundan er og kynnt verður síðar.
