HS býður eftir svari Bandríkjamanna við tillögu sem lögð var fram í viðræðum fyrir helgi

Engin niðurstaða hefur enn fengist í samningaviðræður Hitaveitu Suðurnesja og bandarískra hermálayfirvalda vegna uppsagnar Varnarliðis á viðskiptum við HS um kaup á heitu vatni fyrir varnarsvæðið.

Viðræður milli aðila stóðu fyrir alla síðustu viku en í ekki fékkst niðurstaða fyrir helgi. Fulltrúar Varnarliðsins héldu af landi brott á föstudag með ákveðnar hugmyndir frá HS sem þeir ætluðu að svara öðru hvoru megin við helgina. Að sögn Júlíusar Jónssonar, forstjóra, var enn verið að bíða eftir svörum þegar VF hafði samband við hann síðdegis í gær.
 
Ágreiningur aðila snýst í fyrsta lagi um hvort samningurinn sé í raun uppsegjanlegur án þess að samið sé um eingreiðslu (Termination Liability) vegna ákvæðis um 4% hámark á minnkun vatnskaupa sem gilt hefur frá 1999. Í öðru lagi snýst ágreiningurinn um hvaða kostnaðarliði og með hvaða hætti á að meðhöndla þá með tilliti til útreiknings á þessari eingreiðslu.
HS hf hefur lagt fram ítarleg gögn um fjárfestingar sem ráðist hefur verið í til að uppfylla samninginn, eftir að samið var um upphaflega tengigjaldið 1981. HS hf hefur einnig lagt fram áætlun um kostnað við breytingar sem ráðast þarf í m.a. vegna þess að bakrennslisvatn frá flugvellinum var ein af grunnforsendum við hönnun orkuvers og hitaveitukerfa. Deilan hefur því snúist um hver upphæð slíkrar eingreiðslu ætti að vera og ekku hefur náðist um það samkomulag, þrátt fyrir að HS hefði lækkað kröfur sínar umtalsvert.
 
Íslenska tekur nú við rekstri allra bygginga varnarliðsins á Keflavíkurflugvelli. Er nokkuð ljóst að magn hitaveituvatns mun á næstu 3 mánuðum minnka um a.m.k. 40% (jafngildir u.þ.b. allri sölunni í Grindavík og Sandgerði) frá því sem áður var og síðan er eftir að sjá hvaða hús verða nýtt til frambúðar og þá hvernig.
 
Þessa dagana er einnig verið að vinna að samkomulagi um að HS hf taki við rekstri rafveitu- og vatnsveitukerfanna á flugvellinum en HS hf hefur frá upphafi átt og séð um rekstur dreifikerfa hitaveitu á flugvellinum. Er gert ráð fyrir bráðabirgðafyrirkomulagi til áramóta og að tíminn þangað til nýttur til að ganga frá framtíðarfyrirkomulagi þessara mála, segir í frétt frá HS.