Hrúturinn Vinur sló öll met

Fjáreigendafélag Grindavíkur stóð fyrir hrúta- og gimbrasýningu á dögunum. Merkismenn voru fengnir í dómnefnd en þar sló hrúturinn Vinur öll met en hann er hæst dæmdi veturgamli hrútur í Grindavík sem vitað er um. Vinur er í eigu Hermanns Ólafssonar frá Stað og ræktandi er Stefán Kristjánsson.

Bæjarfulltrúum og bæjarstjóra var boðið að taka þátt í hrúta- og gimbradómum. Bæjarfulltrúar og bæjarstjóri létu ekki sitt eftir liggja. Það kom í þeirra hlut að dæma í flokki flekkóttra gimbra og röðuðu þau upp fallegustu flekkóttu gimbrinni og svo koll af kolli.

Úrslit hrútadóma 2012 urðu eftirfarandi:
Hæst dæmdi veturgamli hrútur:
Hrúturinn Vinur með 87.5 stig.
Faðir Hriflon og móðir Mjallhvít. Eigandi Hermann Ólafsson. Ræktandi Stefán Kristjánsson

Hæst dæmdi lambhrútur:
Það voru tveir lambhrútar að þessu sinni sem dæmdust báðir með 85.5 stig.
Eigandi Hermann Ólafsson Stað. Ræktandi Hermann Ólafsson Stað.

Hæst dæmda lambgimbur:
Gimbrin Fjarprúð frá Buðlungu hlaut hæstu einkunn í flokki gimbra.
Ómvöðvi 35-Fita 3-Lögun 5-Frampartur 9-Læri 17.5-Ull 7.5.
Faðir Gosi og móðir Prúð Kveiksdóttir.
Eigandi Stefán Kristjánsson Buðlungu. Ræktandi Stefán Kristjánsson Buðlungu.