Hrungnir GK og Sighvatur GK með rúmlega 20 tonna afla á Hattonbankanum
Línuskipin Hrungnir GK og Sighvatur GK frá Grindavík komu fyrr í vikunni úr tíu daga tilraunaveiðiferð sem farin var á Hattonbankann. Aflinn var frekar lélegur eða aðeins um 20 tonn hjá bátunum. Interseafood.com greindi frá.
Unnsteinn Líndal, skipstjóri á Sighvati GK, segir að í ár hafi hann verið þremur vikum seinna á ferðinni í fyrra og veðrið hafi verið allt annað og verra en hann átti von á.
-- Í fyrra vorum við þarna í rjómablíðu. Við fengum gott veður fyrsta daginn að þessu sinni og ágætan afla, 3,5 tonn af keilu og um 300 kíló af hvítlúðu, en síðan brældi og veðurhæðin fór ekki niður fyrir sex til sjö vindstig á meðan við vorum á svæðinu, segir Unnsteinn en hann upplýsir að línan hafi fyrst verið lögð á 57°44´N og 18°44´V en þangað sé um 380 mílna sigling frá Grindavík. Línan var lögð á 360 faðma dýpi og aflinn var aðallega stór og góð keila.
-- Þórður á Hrungni GK var um 70 mílur fyrir norðan okkur og þegar það brældi þá sigldum við til hans. Þar var greinilega þekkt veiðisvæði því keilan var smá og bleyðurnar þoldu ekki að það væri lagt strax aftur á þær. Við vorum mest með línuna á 370 til 420 faðma dýpi en eftir að brældi var eins og að fiskurinn kæmi ekki upp. Annars fór mjög mikill tími í siglingar og leit að heppilegum veiðisvæðum og þar sem við enduðum, um 280 mílur beint suður af Hornafirði, var mjög harður botn og stór og góð keila. Við misstum þrjá rekka af línu í festur en náðum sem betur fer að slæða línuna upp að nýju, segir Unnsteinn en alls varð afli Sighvats GK um tíu tonn af fiski á þessum tíu dögum. Afli Hrungnis GK var svipaður eða heldur meiri.
Unnsteinn segist vera tilbúinn til þess að reyna veiðar á Hattonbankanum að nýju að ári en þá segist hann vilja vera a.m.k. mánuði fyrr á ferðinni.
Unnsteinn Líndal, skipstjóri á Sighvati GK, segir að í ár hafi hann verið þremur vikum seinna á ferðinni í fyrra og veðrið hafi verið allt annað og verra en hann átti von á.
-- Í fyrra vorum við þarna í rjómablíðu. Við fengum gott veður fyrsta daginn að þessu sinni og ágætan afla, 3,5 tonn af keilu og um 300 kíló af hvítlúðu, en síðan brældi og veðurhæðin fór ekki niður fyrir sex til sjö vindstig á meðan við vorum á svæðinu, segir Unnsteinn en hann upplýsir að línan hafi fyrst verið lögð á 57°44´N og 18°44´V en þangað sé um 380 mílna sigling frá Grindavík. Línan var lögð á 360 faðma dýpi og aflinn var aðallega stór og góð keila.
-- Þórður á Hrungni GK var um 70 mílur fyrir norðan okkur og þegar það brældi þá sigldum við til hans. Þar var greinilega þekkt veiðisvæði því keilan var smá og bleyðurnar þoldu ekki að það væri lagt strax aftur á þær. Við vorum mest með línuna á 370 til 420 faðma dýpi en eftir að brældi var eins og að fiskurinn kæmi ekki upp. Annars fór mjög mikill tími í siglingar og leit að heppilegum veiðisvæðum og þar sem við enduðum, um 280 mílur beint suður af Hornafirði, var mjög harður botn og stór og góð keila. Við misstum þrjá rekka af línu í festur en náðum sem betur fer að slæða línuna upp að nýju, segir Unnsteinn en alls varð afli Sighvats GK um tíu tonn af fiski á þessum tíu dögum. Afli Hrungnis GK var svipaður eða heldur meiri.
Unnsteinn segist vera tilbúinn til þess að reyna veiðar á Hattonbankanum að nýju að ári en þá segist hann vilja vera a.m.k. mánuði fyrr á ferðinni.
