Hringtorgið lokað meðan framkvæmdir klárast
Framkvæmdum við hringtorgið á mótum Reykjanesbrautar og Aðalgötu fer senn að ljúka en lokað hefur verið fyrir umferð um hringtorgið á meðan þær klárast.
Opnað hafði verið fyrir umferð um hringtorgið vegna mikillar umferðar yfir Ljósanæturhelgina en verklok hringtorgsins eru áætluð þann 15. september næstkomandi. Þangað til geta vegfarendur nýtt sér hringtorgin við Grænás og Fitjar.
Þá mun framkvæmdum við hringtorg á mótum Reykjanesbrautar og Þjóðbrautar jafnframt ljúka 15. september nk.
