Hringtorg á Reykjanesbraut boðin út
-Allri malbikun lokið 1. september
Vegagerðin, Isavia og Reykjanesbær hafa óskað eftir tilboðum í gerð tveggja hringtorga á Reykjanesbraut í Reykjanesbæ. Þá skal allri malbikun lokið fyrir 1. september 2017 og verkinu að fullu lokið 15. september. Um ræðir annars vegar hringtorg við Aðalgötu og hins vegar við Keflavíkurveg eða Þjóðbraut. Aðlaga þarf aðliggjandi vegi að hringtorgunum. Framkvæmdin innifelur einnig að annast tilgreinda verkþætti við aðlögun eða flutning núverandi lagna s.s. ljósleiðara-, háspennu- og lágspennustrengja í vegunum í samráði við veitur.
