Hringtorg á gatnamót Aðalgötu og Iðavalla

Bæjaryfirvöld í Reykjanesbæ áforma að setja upp hringtorg á gatnamótum Aðalgötu og Iðavalla, en gatnamótin eru alræmd vegna mikillar slysahættu sem myndast þar vegna ófullnægjandi útsýnis.

Viðar Már Aðalsteinsson, forstöðumaður Umhverfis- og skipulagssviðs Reykjanesbæjar, sagði í samtali við Víkurfréttir að reynt yrði að finna fjármagn til að klára verkefnið í sumar.

Stærsta vandamálið við gatnamótin er há girðing sem umlykur húsnæði Fiskvals, en hún skerðir verulega útsýni þeirra sem aka Iðavellina í átt að Aðalgötu. Þá hefur hraðakstur niður Aðalgötu frá Flugvallavegi lengi verið landlægt vandamál.

VF-mynd/Þorgils: Gatnamótin, séð niður Aðalgötu