Hrífast af nýtingu jarðvarma á Reykjanesi
Fulltrúar í sendinefnd frá Xianyang heimsóttu Reykjanesbæ
Sendinefnd frá vinabæ Reykjanesbæjar, Xianyang í Kína, kom í heimsókn í ráðhús bæjarins á dögunum. Hópurinn var hér á landi til að fræðast um virkjun jarðvarma til upphitunar húsa og rafmagnsframleiðslu.
Þau voru sérstaklega uppnumin af því hvernig Reyknesingar leitast við að fullnýta þau tækifæri sem skapast í kringum jarðhitavirkjanir. Má þar nefna Bláa Lónið og Stolt Seafarm á Reykjanesi, segir í frétt á vef bæjarins.
