Hreystibraut vígð í Vogum

Boðið er til gleði í Vogum á morgun í tilefni að vígslu hreystibrautarinnar og vali á íþróttamanni ársins. Athöfnin fer fram á skólalóðinni og hefst kl. 14.

Athörnin hefst á því að hreystibrautin verður vígð og boðið verður upp á hreystibrautarrennslu. Grunnskólanemendur reyna sig í brautinni undir stjórn Andrésar Guðmundssonar kraftlyftingarkappa. Allir sem vilja geta farið eina ferð.

Að vígslu lokinni verður kjör á íþróttamanni Voga gert kunnugt. Boðið er upp á veitingar að athöfn lokinni. Þá verða leiktæki fyrir born á aldrinum 2-6 ára.