Hraunsvegur 8 Ljósahús Reykjanesbæjar 2003

Hraunsvegur 8 í Njarðvík var valið Ljósahús Reykjanesbæjar árið 2003 en viðurkenningar menningar, íþrótta- og tómstundaráðs fyrir jólaskreytingar í bæjarfélaginu voru afhentar við hátíðlega viðhöfn í Duus-húsum föstudaginn sl. Í öðru sæti varð Óðinsvellir 6 og í þriðja sæti Hamragarður 9. Hitaveita Suðurnesja veitti þremur efstu verðlaunahöfum gjafabréf til frádráttar rafmagnsreikningi líkt og undanfarin ár.
Aðalgata 1 hlaut viðurkenningu fyrir fallegustu fjölbýlishúsaskreytinguna og Efstaleyti 47 - 55 fyrir fallegustu raðhúsaskreytinguna. Einnig var veitt viðurkenning fyrir sérstakt jólahús og féll hún í hlut Heiðarbrautar 5c. Fallegasti jólaglugginn var valinn hjá Gleraugnaverslun Keflavíkur. Að lokum voru Freyjuvellir valin fallegasta skreytta jólagatan. Hægt er að nálgast kort sem sýnir þau hús sem voru tilnefnd og verðlaunuð í ár á öllum bensínstöðvum og hjá Upplýsingamiðstöð Reykjaness í bókasafninu.