Hraðfréttir á sjó með Hrafni Sveinbjarnarsyni GK 255

Hraðfréttamennirnir Benedikt Valsson og Fannar Sveinsson fóru á sjó með frystitogaranum Hrafni Sveinbjarnasyni GK 255 frá Grindavík í október á síðasta ári. Réðu þeir sig um borð sem háseta og miðað við það sem sýnt hefur verið frá þáttunum voru þeir nokkuð sjóveikir en reyndu þó að halda haus þrátt fyrir slappleika. Þeir kynntust lífi sjómanna á frystitogara vel, fóru í vinnslu, út á dekk og fengu einnig að finna fyrir því hvernig það er að vera nýliði um borð. Ekki höfðu margir trú á köppunum þegar þeir tilkynntu þeim það að þeir væru að fara einn „túr“ og var mamma Benedikts ansi áhyggjufull fyrir ferðina. Ferðin byrjaði á flugvellinum í Reykjavík þar sem að Hrafn Sveinbjarnarson var við bryggju fyrir austan.

Þættirnir Hásetar verða sýndir á RÚV á fimmtudögum í vetur kl. 20 og eru þeir sex samtals.