HRAÐAGOSAR FÁ GLUGGAPÓST

Lögreglan í Keflavík þurfti að opna ratsjárbókina góðu 22 sinnum í síðustu viku og er það eini jákvæði punkturinn við bensínhækkunina í gær að hún er sparnaðarhvetjandi fyrir hraðagosa svæðisins. Þrátt fyrir að staðið sé í framkvæmdum á og við Grindavíkurveginn eignuðust tveir ökumenn loforð um gluggapóst frá ríkisvaldinu er þeir voru stöðvaðir á 121 km. hraða á Grindavíkurveginum síðastliðinn mánudag.