Höfð verði náin samvinna við heimamenn um ráðstöfun mannvirkja hreinsun mengaðra svæða

„Stjórn SSS fagnar því að niðurstaða er kominn í viðræður Íslands og Bandaríkjanna varðandi varnarmál og skil á mannvirkjum og landi.

Stjórnin lýsir yfir ánægju með að stofna eigi félag til að sjá um og ráðstafa þeim eignum sem Varnarliðið skilur eftir og telur afar brýnt að undirbúningi verði hraðað sem kostur er. Stjórnin gerir ráð fyrir að fulltrúar frá sveitarfélögunum sitji í stjórn félagsins.

Stjórn SSS ítrekar að höfð verði náin samvinna við heimamenn um ráðstöfun mannvirkja hreinsun mengaðra svæða, ráðstöfun lands og sköpun nýrra atvinnutækifæra.“

Þetta kemur fram í ályktun stjórnar Sambands sveitarfélaganna á Suðurnesjum frá því í gær um málefni Keflavíkurflugvallar.