Hjúkrunarþjónusta verði áfram rekin í Garði

Bæjarráð Sveitarfélagsins Garðs ítrekar þá afstöðu sveitarfélagsins að samhliða tilkomu og rekstri 60 rúma hjúkrunarþjónustu að Nesvöllum í Reykjanesbæ verði hjúkrunarþjónusta fyrir aldraða áfram rekin á Garðvangi.

Vísað er til fyrri samþykkta bæjarráðs og bæjarstjórnar um málið í fundargerð bæjarráðs frá 12. júlí sl. en þar var tekin fyrir fundargerð Dvalarheimila aldraðra Suðurnesjum frá 4. júlí sl.

Bæjarráð leggur mikla áherslu á að starfsemi Garðvangs verði haldið áfram og leggur til að ráðist verði í löngu nauðsynlegt viðhald og endurbætur eins og áður hefur komið fram.